3/6/1 اول خطه هنتكلم عليها بإذن الله

من طرف **The White Tiger** السبت 01 سبتمبر 2012, 3:31 am

للاسف لحد دلوقتي مش هينفع نحط صور علشان مش هيشوفها الا المديرون Smile

بس نقدر نتكلم شفهي والناس تحاول تفهم معايا scratch

انا النهارده عايز اتكلم عن خطه 3/6/1 What a Face

طبعا ليها مشتقات كتير كفايه ان عندك 6 فى نص الملعب ودي كفيله انك تمسك كورة ادام احسن لاعيب بس برضه على حسب توزيع ال6 لاعيبه دول بس نحاول نبدأ مع بعض كدا براحه ونمسك كل خط لوحده نتكلم عنه What a Face

3/6/1 اول خطه هنتكلم عليها بإذن الله 251384172

خط الدفاع
هنقسمه لقسمين (ليبرو واتنين مساكين) ( تلاته مساكين )
1- ليبرو (ودا بيبقى ضروري لما يكون المنافس بيلعب ب2 مهاجمين صراح )
دوره طبعا معروف انه بيغطي على 2 مساكين وبيعمل عمق فى الملعب وكمان ليه دور رئيسي فى بناء الهجمه المنظمه دا غير طبعا ممكن ياخدو ادوار هجوميه فى الكرات الثابته او فى الهجمات المرتده لو عندك ليبرو بيعرف يلعب بدماغه او بالاصح بيعرف يتصرف ادام الجول بييجي من ورا لادام من غير مراقبه .
عيوب اللعب بليبرو انك مبتعرفش تلعب على الاوفسايد وانه كمان سهل ينضرب بسهوله لو المنافس بيلعب باتنين سترايكر ( مهاجم ثاني بييجي من الخلف للامام ) دا غير طبعا لو اتقدم فى هجمه بيبقى الملعب كله مكشوف ادام المنافس
2- الاتنين مساكين ( طبعا دورهم الاساسي مراقبه المهاجمين ) بس على حسب يعني ممكن يكون مساك لمهاجم بعينه او مساك منقطه يعني المهاجم اللى يجيله يمسكه . (عيوب المساك (مان تو مان ) انه في حاله ان المهاجم المراقب اتحرك على اي طرف من اطراف الملعب بيفتح عمق الدفاع لاي لاعب جاي من الخلف للامام )

لو المنافس بيلعب بمهاجم واحد بتلعب بليبرو ومساك والمساك التاني بيتقدم نص الملعب علشان يعمل كثافه او بينزل يغطي على اي طرف من الطرفين لان في حاله الهجوم فى (3/6/1) بيبقي اطراف الملعب فاضيه ولو المنافس عنده باكات كويسه او اطراف كويسه بتسبب مشكله

(تلاته مساكين ) ودي بقى في حاله المنافس بيلعب بكثافه هجوميه يعني مهاجم صريح و2 مهاجمين سترايكر دي بتبقى افضل من اللعب بليبرو

عملت تعديل بسيط علشان كان فى حد سألني عن ماتش انتر وبرشلونه 3/1 للانتر دوري ابطال اوربا 2009 ايه اللى حصل Smile

مورينيو مدرب كان عارف امكانيات فريقه فلعب ب 3/6/1 (الستارة الدفاعية) بس كان وضع سداسي نص الملعب كالأتي
3 دفيندرات 1 ارتكاز 2 هافات يمين وشمال مع اقتراب ثلاثي الدفاع من سداسي نص الملعب كانت برشلونه مضطرة انها تعبر جدار به 9 لاعبين لهم قدرات دفاعيه جيدة امثال كومبياسو و تييجو موتا وولتر صامويل ولوسيو ( ايامها كان فى انتر) هنتكلم بالتفصيل عنها على السريع
3 دفيندرات بواجبات معينة هنرقم والناس تحاول تفهم معانا ( 1-2 -3)
(1) دا كان متمركز بين (2) و (3) وبيسقط وراهو ويسمى ليبرو نص الملعب كان بيغطي مكان (2) او (3) في حاله انهم خرجو يغطو على الاطراف او خرج يقابل من العمق هو ولاعب الارتكاز ( شنايدر) فبالتالي فى حالة امتلاك برشلونه الكرة في العمق كان بيقابل المهاجم والارتكاز و واحد الدفيندرات مع قفل الاطراف بواسيطه الهاف اليمين (مايكون) والهاف الشمال ( ايتو) يعني فى خمسة لاعبين بعرض الملعب ويأتي من خلفهم ثلاثة لاعبين ( اتنين دفينرات و مساك لان برشلونه براس حربة واحد وكان متحرك فكان يكفي مورينيو وضعه بين لوسيو وولتر صامويل كي يشل حركته تماما
فكانت النتيجه استحواذ برشلونه للكرة ولكن بعرض الملعب ولا تستطيع الاختراق اما فى حاله قطع الكرة كان يوجد التزام رهيب من الدفيندرات كانو بيثبتو مكانهم مع الليبرو والمساكين وكانت الانطلاقات الهجوميه اما من الاطراف عن طريق ايتو او مايكون او شنايدر من العمق او دفيندر يتقدم من ال3 وشنايدر يثبت مكانه فكانت النتيجه 3 هجمات مرتده ب3 اجوال للانتر وفي غلطه تمركزيه لكمبياسو وموتا استطاع برشلونه احراز هدف وحيد

3/6/1 اول خطه هنتكلم عليها بإذن الله 466145022

تطبيق هجومي لخطة 3/61 بتقدم الارتكاز للعمق لمسانده راس الحربة الوحيد
فرغم استحواذ 72% لبرشلونه كانت النتيجه هزيمته 3\1
بأذن الله هنتكلم عن بقية مشتقات نص الملعب لما نشوف متابعه الناس ورأيها واذا كنا نكمل ولا نستني الصور لما تنزل علشان نعرف نشرح بالتفصيل الممل santa